ياهادى

ياهادى

أول تدوينة بعد الأهداءات

أنهاردة 26 \2...اليوم ده هو يوم خطوبتى ...بس الكلام ده كان من 4سنين..أنا دلوقتى متجوز ورقيا بقالى تلت سنين..وفعليا من سنتين ونص..

دايما فى سؤال بسأله لنفسى...ياترى أنا قبل الجواز أحسن ولا بعده

ياترى الشاب العازب الرومانسى والعاطفى..اللى كان بيحلم بالحب والمشاعر وبيتخيل أن الحياة جنة أسمها المرأة أفضل...ولا الزوج اللى شايل هموم الدنيا على دماغه..واللى الحياة مش سايباله لحظة واحده يقدر يرجع يقعد فيها تانى مع نفسه ويمسك قلمه ويكتب مشاعره

أكيد أى مرحلة فى حياة الأنسان بيبقى ليها مميزاتها وعيوبها

وأنا راضى جدا بحياتى لأن هى دى اللى ربنا سبحانه اللى أخترهالى

لكن ساعات كتير بشتاق لأيام زمان

أيام السهر مع الأخوان للفجر ع الكورنيش

أيام أما كنت أنا أمبراطور حياتى ومالك نفسى وأمير دنيتى

بشتاق لراحة البال والفرحة والضحكة الحلوة

لكن الحمد لله على كل حال

ورحمة الله عليك ياأيتها الأيام الخوالى